Siglir tar il cuntegn
Inhalt

Exteriur Affera e-mail: Betg accusar Hillary Clinton

Quai recumonda l'FBI. Però saja ella stada extrem negligenta en chaussa, ha punctuà il schef da la polizia federala James Comey.

Politicra americana.
Legenda: Hillary Clinton è cuntenta da la recumandaziun da l'FBI. Keystone

La polizia federala americana FBI na propona betg d’instradar ina accusa cunter la probabla candidata per il presidi dals Stadis Unids Hillary Clinton en l’uschenumnada affera dad e-mails.

Clinton era vegnida interrogada dal FBI sonda passada. Ella aveva tramess emails uffizials sur ses conto d’emails privat. L’FBI ha uss examinà sch’ella haja uschia tramess datas secretas, quai fiss cunter la lescha.

La decisiun dal FBI vegn probabel a decider sch’il cumbat electoral da Clinton po cuntinuar ni betg. L’FBI savess na po betg accusar Clinton directamain, ma proponer a l’Uffizi da giustia da far quest pass.

RR novitads 18:00