Affera e-mail: FBI interroghescha Clinton

La polizia federala dals Stadis Unids FBI ha interrogà Hillary Clinton en connex cun l’affera dad e-mails durant ses temp sco ministra da l’exteriur.

Politicra americana. Bild in Lightbox öffnen.

Legenda da maletgs: L'affera dad e-mail persequitescha Clinton and adina. Reuters

Clinton haja voluntarmain dà pled e fatg davart il diever das ses conto dad e-mails privat. Quai ha ditg il pledader da la probabla candidata dals democrats per la successiun da president Barack Obama.

Tranter il 2009 e 2013 aveva Clinton duvrà per sia communicaziun uffiziala in’adressa dad e-mail privata ed arcunà quests e-mails sin in server privat. Cun quai ha ella cuntrafatg a las reglas da segirezza vertentas.

Ils republicans renfatschan a Clinton plinavant ch’ella haja zuppà sia communicaziun uffiziala cun intenziun da la controlla publica.
Clinton renviescha tut las renfatschas.

RR novitads 21:00