Siglir tar il cuntegn
Inhalt

Exteriur Affera-email giud maisa per Clinton

La candidata per il presidi dals Stadis Unids Hillary Clinton na vegn definitivamain betg accusada en connex cun l’uschenumnada affera-email. Ses cumbat electoral cuntinuescha.

Politicra americana.
Legenda: L'affera-email è giud maisa. Il cumbat electoral cuntinuescha. Keystone

La ministra da giustia americana Loretta Lynch suonda la proposta da l'FBI, la polizia federala dals Stadis Unids da betg accusar ella. Las inquisiziuns sajan cun quai terminadas, ha ditg Lynch.

Tranter il 2009 e 2013 aveva Clinton duvrà per sia communicaziun uffiziala in’adressa dad e-mail privata ed arcunà quests e-mails sin in server privat. Cun quai ha ella cuntrafatg a las reglas da segirezza vertentas.

Ils republicans renfatschan a Clinton plinavant ch’ella haja zuppà sia communicaziun uffiziala cun intenziun da la controlla publica.
Clinton renviescha tut las renfatschas.

RR novitads 06:00