Radund 230 ulteriuras persunas èn vegnidas blessadas. Quai ha annunzià il ministeri da sanadad afgan. L'attatga è succedida la sonda durant ina demonstraziun paschaivla da la minoritad schiita dals Hasara sin ina plazza centrala en la chapitala Kabul. Dus attentaders da suicidi èn sa siglientads en l'aria. La responsabladad per l'attatga ha la milissa da terror Stadi islamic surpiglià.
Critica internaziunala
La cuminanza internaziunala ha crititga l’ultima attatga a Kabul cun almain 80 unfrendas. Il secretari general da l’ONU Ban Ki Moon ha condemnà il crim cun vehemenza. Er la regenza americana ha condemnà l’attatga. Ils Stadis Unids veglian cuntinuar la collavuraziun cun l’Afganistan en il sectur da segirezza. Il president russ Wladimir Putin ha offrì da sustegnair il pajais en ses cumbat cunter la milissa terroristica Stadi islamic.
RR novitads 06:00