Siglir tar il cuntegn

Header

cuntegn

Afganistan Coordinatur da l'ONU è s'inscuntrà cun talibans

Legenda: Martin Griffiths è coordinatur per l'agid d'urgenza da l'ONU Keystone

En vista ad ina pussaivla catastrofa umanitara en l'Afganistan è il coordinatur per agid d'urgenza da l'ONU, Martin Griffiths, s'inscuntrà a Kabul cun ils talibans. Là ha el discurrì cun Mullah Abdul Ghani Baradar che vala sco pussaivel schef da regenza per l'avegnir.

Griffiths ha sincerà che la communitad internaziunala veglia sustegnair l'Afganistan cun rauba d'agid. Il medem mument ha el appellà als talibans da respectar ils dretgs da las dunnas e da minoritads.

En in'emna organiseschan las Naziuns Unidas ina conferenza a Genevra. En l'Afganistan drovian numnadamain la mesadad dals 38 milliuns carstgauns en il pajais sustegn umanitar.

RTR novitads 06:00

Artitgels legids il pli savens

Scrollar a sanestra Scrollar a dretga