Siglir tar il cuntegn

Exteriur Afghanistan: Tantas unfrendas civilas sco anc mai

En l'Afghanistan sajan bunamain 1'700 civilists vegnids mazzads l'emprima mesadad da quest onn. Quai sajan uschè bleras unfrendas sco anc mai, communitgeschan las Naziuns Unidas.

Purtret da l'Afghanistan.
Legenda: Tants civilists sco anc mai èn morts en l'emprima mesadad da l'onn en l'Afghanistan. Reuters

Ils blers civilists daventian unfrendas dals cumbats tranter forzas da segirezza e rebels. Ma er adina dapli civilists vegnian mazzads tar attatgas or da l'aria. Cun attatgas ord da l'aria vulan ils Stadis Unids sfurzar ils Talibans a discurs da pasch. Ils Taliban han fin uss dentant refusà tals discurs. Els pretendan che truppas da l’exteriur duain bandunar il pajais.

En vista a las elecziuns parlamentaras l'october pudess la violenza anc s'augmentar en l'Afghanistan.

RR novitads 12:00