Siglir tar il cuntegn

Header

cuntegn

Exteriur Africa dal Sid: midadas da la regenza

En la Africa dal Sid ha il nov president Cyril Ramaphosa annunzià grondas midadas tar la regenza. Tranter auter veglia el puspè engaschar l'anteriur minister da finanzas che ses antecessur aveva relaschà.

Ina da las midadas ch'il president sidafrican Cyril Ramaphosa ha annunzià per la regenza pertutga l'anteriur minister da finanzas: Il minister da finanzas Nhlanhla Nene – che ses antecessur aveva relaschà – duai puspè turnar en la regenza. Ses antecessur aveva relaschà l'anteriur minister da finanzas surprendentamain e remplazzà quel cun Vertrauten David van Rooyen.

Betg la suletta midada

In'autra midada duai dar tar il post da vicepresident: Il viceschef da la partida da la regenza ANC David Mabuza duai vegnir ses substitut.

En tut planisescha il president 30 novs ministers e viceministers per la regenza. Cun il cabinet ch'è fiss per gronda part mess ensemen da nov veglia el cuntanscher in bun equiliber tranter «cuntinuitad e stabilitad» e «midadas necessarias e recreaziun economica».

Cyril Ramaphosa

Avrir la box Serrar la box

Ramaphosa è dapi ils 15 da favrer en uffizi. El ha annunzià in punct da midada en l'Africa dal Sid. Sia finamira principala saja il cumbat cunter corrupziun e da revitalisar l'economia. El succeda a Jacob Zuma a quel che vegniva renfatschà corrupziun.

RR novitads 06:00

Artitgels legids il pli savens