Siglir tar il cuntegn

Header

cuntegn

Exteriur Agid ha cuntanschì Sanaa

En il Jemen è arrivà in emprim aviun cun rauba d'agid medicinala dal Comité internaziunal da la Crusch Cotschna IKRK. Quai communitgescha la Crusch Cotschna.

L'aviun cun 16 tonnas material sco medicaments e guaffens d'operar è atterrà en la chapitala Sanaa en il Jemen. In segund aviun cun ulteriura rauba per ils ospitals a Sanaa duai arrivar sonda. Atgnamain vuleva l’IKRK sgolar gia a l’entschatta da l’emna rauba d’agid a Sanaa. I aveva dentant dà problems da chattar ina societad aviatica ch’avess fatg ils transports.

Il Jemen patescha dapi emnas da cumbats tranter ils rebels dals Huthi e milissas aderentas al president Mansur Hadi.

RR novitads 12:00

Artitgels legids il pli savens