Siglir tar il cuntegn

Exteriur AI discurra da crims da guerra commess da Curds

L'organisaziun per ils dretgs umans Amnesty International rinfatscha a las milissas curdas da YPG, d'avair stgatschà millis civilists el cumbat en la Siria dal Nord.

Cumbattants da la milissa curda YPG en la citad Kobane en la Siria dal Nord.
Legenda: Cumbattants da la milissa curda YPG en la citad Kobane en la Siria dal Nord. Keystone

Surtut duai la populaziun betg curda esser vegnida stgatschada, suenter che las milissas han reconquistà citads da la gruppa da terror Stadi islamic. La milissa curda YPG refusa las reproschas.

La gruppaziun è il pli impurtant allià dals Stadis Unids da l’America en la regiun en l’Irac dal Nord ed en la Siria dal Nord. E la YPG ha l'ultim temp reconquistà pliras regiuns, quai era grazia il sustegn intensivà entras ils Stadis Unids.

RR Novitads 06:00