Siglir tar il cuntegn

Header

cuntegn

Exteriur Air Berlin sto stritgar var 100 sgols

La societad aviatica Air Berlin ha stritgà radund 100 sgols, pertutgà èn era sgols tranter Turitg e Berlin, respectiv tranter Turitg e Düsseldorf. Il mument sajan fitg blers pilots annunziads sco malsauns, declera la societad aviatica.

La societad aviatica insolventa Air Berlin ch'è entamez il process da vendita sto stritgar radund 100 sgols, quai perquai che pilots èn s'annunziads malsauns.

audio
Mezdi: Air Berlin sto stritgar var 100 sgols
ord Actualitad dals 12.09.2017.
laschar ir. Durada: 43 Secundas.

Uschia ha l’interpresa appellà als passagiers pertutgads da betg vegnir a la plazza aviatica. Sco la gasetta tudestga Bild rapporta vinavant, saja il motiv per las bleras annunzias dals pilots ina revolta dals pilots cunter la decisiun da la societad aviatica dad interrumper ils discurs cun in cumprader potenzial. Sco il management dal concern di, pericliteschia ina tala acziun l'existenza dad Air Berlin.

RR novitads 12:00

Artitgels legids il pli savens