Siglir tar il cuntegn

Exteriur Akhtar Mansur para tuttina mort

Il servetsch secret da l'Afghanistan NDS ed il mainafatschenta da la regenza, Abdullah Abdullah, han confermà ch'il mandader dals taliban Akhtar Mansur è mort.

Akhtar Mansour, il manader dals taliban
Legenda: Tenor il servetsch secret afgan saja Akhtar Mansour, il manader dals taliban, vegnì mazzà. Keystone

Ils taliban percunter han anc la damaun dementì ils rapports che lur manader saja vegnì mazzà. La regenza afgana ha ditg ch'il cass vegnia examina.

Avess Mansour propi d'esser mort, augmentass quai las schanzas da far pasch almain cun quels Taliban ch'hajan avunda da la violenza, uschia la regenza.

Il ministeri da defensiun dals Stadis Unids aveva rapportà la notg passada che Mansour saja eventualmain mort dad in'attatga cun dronas al cunfin tranter l'Afghanistan ed il Pakistan.

RR novitads 10:00