Enturn la citad da Paradise ch’è brischada giu han fermas plievgias inundà vias. Tenor rapports da medias han lavinas da glitta cuvert parts da las vias en intginas regiuns. Las autoritads han puspè ordinà evacuaziuns.
Tras ils incendis l’entschatta da november eran mortas almain 88 persunas. Tschients da persunas valan anc adina sco sparidas. Passa 13’000 chasas han las flommas destruì.
RR novitads 06:00