Siglir tar il cuntegn

Header

Il secretari general da la WMO, Michel Jarraud.
Legenda: Il secretari general da la WMO, Michel Jarraud, mussa ils novs resultats davart il gas da serra. Keystone
cuntegn

Exteriur Alarm en vista al gas da serra

3 emnas avant l’inscunter mundial davart il clima a Paris averteschan experts danovamain. La concentraziun da gas da serra en l'atmosfera ha cuntanschì in nov maximum.

La raschun principala per quest svilup saja l'emissiun da CO 2 (dioxid carbonic) che saja vinavant ferma, scriva l'Organisaziun meteorologica mundiala. Ella sa referescha sin mesiraziuns sin l’entir mund.

En vista a l'inscunter a Paris pretenda il secretari general da la WMO, Michel Jarraud, mesiras decisivas per reducir l'emissiun dals gas da serra. L'inscunter è tranter ils 30 da november ed ils 11 da december a Paris. Var 195 stadis sa participeschan.

RR Novitads 16:00

Artitgels legids il pli savens

Scrollar a sanestra Scrollar a dretga