Siglir tar il cuntegn

Header

Navigaziun

Incendi da guaud.
Legenda: Durant ils mais da stad èn tals incendis nagina raritad. Il privel d'ulteriurs incendis è dentant uschè grond sco anc mai (maletg d'archiv). Keystone
cuntegn

Alasca fin Arctica Privel d'incendis da guaud uschè aut sco anc mai

En l’Alasca furieschan il mument radund 250 incendis da guaud. Da quels incendis èn var 200 fieus anc betg sut controlla. Quai han communitgà las autoritads dal stadi federativ. Pertutgada saja ina surfatscha da radund 9'000 kilometers quadrat, quai è dapli che la surfatscha da l'insla Corsica. Il privel d’incendis da guaud saja actualmain fitg aut pervi da la gronda setgira. Quai surtut en la regiun da la val sura dal Yukon al cunfin cun il Canada. Per che la situaziun sa calmass duvrassan els plievgia intensiva.

Marcant dapli incendis da guaud datti il mument en il Canada e la Sibiria. Ed il privel per ulteriurs incendis è uschè aut sco anc mai. Tenor ils experts èn tranter auter era las temperaturas creschentas in motiv per quest augment.

RR novitads 11:00