Tsipras ha gudagnà la votaziun en il parlament cun 151 encunter 148 vuschs e po uschia reger vinavant. Tsipras aveva instradà la votaziun suenter ch'il partenari populistic , «Ils Grecs independents», avevan bandunà la coaliziun. Questa partida populistica refusa la cunvegna cun il pajais vischin, la Mazedonia, davart ses nov num.
Ussa duess la via per la suttascripziun da quella però esser libra. Il parlament macedon aveva approvà l'emna passada la midada dal num en «Republica da la Mazedonia dal Nord».
RR novitads 06:00
