Algeria: president na dastga betg pli candidar

En l'Algeria dastga il president be pli vegnì reelegì ina giada. Quai ha decis il parlament dal pajais nordafrican cun gronda majoritad e midà la constituziun.

l'actual president algerian Abdelaziz Bouteflika. Bild in Lightbox öffnen.

Legenda da maletgs: Na dastga betg pli candidar per il presidi: l'actual president algerian Abdelaziz Bouteflika. Keystone

Tenor indicaziuns da la regenza saja quai ina da las refurmas politicas ch'il president vertent Abdelaziz Bouteflika aveva instradà en connex cun la Primavaira araba il 2011.

La midada da la constituziun algeriana flaivlenta la posiziun dal president. En il futur dastga quel be pli esser en uffizi per duas periodas da mintgamai tschintg onns; totalmain pia 10 onns. L'actual president Bouteflika regia gia dapi 17 onns il stadi en l'Africa dal Nord.

Opposiziun pretenda novas elecziuns

En l'avegnir duai il president vegnir elegì da represchentants. L'opposiziun da la regenza pretenda gia dapi blers mais elecziuns novas. Tenor quellas pudess il president vegnir dispensà da sese uffizi, sch'el n'è betg pli abels da reger pervi da motivs da sanadad.

Avant sia reelecziun il 2014 aveva Bouteflika numnadaman gì in incap medicinal. Dapi lura n'è el strusch sa mussà en la publicitad.

RR novitads 17:00