Tar il ferm taifun en il Giapun èn almain 10 persunas mortas. Nov unfrendas èn vegnidas chattadas tar ina chasa da vegls en la citad Iwaizumi, quai rapportan medias giapunaisas. In'ulteriura dunna veglia è morta en la citad Kuji.
Ier saira è il taifun «Lionrock» fruntà sin terra franca en la regiun Tohoku, en il nordost dal pajais. Tar il tsunami d'avant tschintg onns era questa regiun pertutgada il pli ferm.
Pervi dal taifun han las autoritads appelà a radund 410'000 persunas dad ir en segirtad. Las autoritads admoneschan però era da far adatg da bovas.
RR novitads 06:00