L’aviun saja curda sin ina plazza da fiera bain populada. Almain 30 persunas sajan mortas e blera blessadas, rapporta l'agentura da novitads Reuters. Las gronda part da las unfrendas sajan civilists.
Aviun crudà suenter bittar bumba
Tenor perditgas saja l’aviun sgulà fitg bass. Avant la crudada haja l’aviun bittà ina bumba sin la plazza da fiera. Sco il post sirian per ils dretgs umans rapporta na saja l’aviun betg vegnì sajettà giu.
L’armada siriana n’ha betg prendì posiziun en chaussa. Dapi il matg vegn la citad Ariha controllada da l’opposiziun siriana.
RR novitads 15:00