Almain 35 fugitivs najan en la Mar Egeica

Sin lur fugia en l'Europa èn danovamain 35 persunas mortas. En la Mar Egeica èn sfundradas duas bartgas suenter lur partenza da la riva tirca, quai rapporta l'agentura da novitads tirca Dogan.

In helicopter da la guardia costala tirca a la tschertga d'unfrendas da l'accident dals 8 da favrer 2016. Bild in Lightbox öffnen.

Legenda da maletgs: In helicopter da la guardia costala tirca a la tschertga d'unfrendas da l'accident dals 8 da favrer 2016. Keystone

Ina bartga è sfundrada avant la regiun da costa Edremit, là èn mortas 24 persunas. Sulettamain quatter persunas han pudì vegnir salvadas, malgrà che la marina tirca ha duvrà helicopters e bartgas da salvament.

Curt avant èn najadas 11 persunas en la mar davant la citad da la riva Izmir. Qua han ins be pudì salvar trais fugitivs.

Las tragedias han bittà ina sumbriva sin la visita d’Angela Merkel en la Tirchia. En il focus da l’inscunter è stà la crisa da fugitivs. Tenor atgnas indicaziuns ha la Tirchia prendì si fin ussa 2,5 milliuns fugitivs ord la Siria.

RR novitads 17:00