Exteriur - Almain 49 morts tar crudada d'aviun en il Nepal
Tar ina disgrazia d'aviun a l'eroport da la chapitala nepalaisa Kathmandu èn mortas almain 49 persunas, quai ha confermà in pledader da l'armada nepalaisa.
Il dumber exact da las unfrendas n'è anc betg enconuschent. A bord da l'aviun eran 71 passagiers.
La disgrazia è capitada tar la satschentada da l'aviun. El è vegnì giu da la pista d'atterrar e crudà sin ina plazza da ballape. Sinaquai ha l'aviun piglià fieu. La raschun exacta per la disgrazia n'è anc betg clera.
L'aviun da la US-Bangla Airline vegnida da Dhaka, la chapitala dal Bangladesch.
