Exteriur - Almain 6 persunas moran sin la peninsla dal Sinai en l’Egipta
Ina bumba en in auto è detunada davant in club per policists sin la peninsla dal Sinai en l’Egipta ed ha custà la vita ad almain 6 persunas. 9 persunas en vegnidas blessadas, scrivan las autoritads.
Tenor indicaziuns uffizialas saja la bumba detunada davant in club per policists en la citad da El-Arish. Ina gruppa colliada cun l'organisaziun terroristica Stadi Islamic ha surpiglià la responsabladad per l'attatga. Ella discurra d'in attentat da suicidi.
En la vischinanza era la sonda crudà giu in aviun da passagiers. La raschun per la crudada n'è anc betg sclerida.
