Pliras chasas sajan sbalunadas ed i haja da incendis, han communitgà las autoritads localas. Radund 3'000 forzas d’intervenziun sajan en acziun per gidar.
L’epicenter dal terratrembel è stà en la citad da Kumamoto, radund 900 kilometers en il sidvest da la chapitala Tokio. L'ovra atomara Sendai - radund 130 kilometers davent da l'epicenter - n'è tenor la possessura betg pertutgada.
Il terratrembel haja gì ina fermezza da 6,4 e saja stà il pli ferm dapi quel dal mars 2011, ch'aveva chaschunà in tsunami ed uschia era la catastrofa da Fukushima.
RR novitads 20.00/06:00