La restructuraziun stat en connex cun la surpigliada da la sparta d’energia da Alstom tras il concern american General Electric (GE).
En in'emprima reacziun ha il President da la Confederaziun e minister d'economia Johann Schneider-Ammann deplorà la decisiun da General Electric. El ha dentant er demussà ina tscherta chapientscha. Las cundiziuns da basa sajan sa midadas.
GE planisescha da stritgar en l’Europa 6’500 plazzas. Aschia n’è betg mo la Svizra, ma er auters pajais europeics pertutgads da quest pass. En Germania duain fin 1’700 plazzas crudar davent en ils lieus Mannheim, Stuttgart, Bexbach e Wiesbaden. Ed en Frantscha svaneschan probablamain 765 plazzas.
General Electric ha totalmain 35’000 emploiads en l’entir’Europa. Il concern ha informà ses emploiads la mesemna davart ils plans. Als pertutgads vul GE porscher sustegn ed agid.
RR novitads 12:00