Amazon duai pajar suenter 250 milliuns taglia

L'UE ha valità ina cunvegna da taglia tranter Il Luxemburg ed Amazon sco illegala. Er in cas dad Apple en Irlanda na lascha ella betg valair. Amazon duai pajar 250 milliuns taglia en il Luxemburg.

Purtret dal logo dad amazon. Bild in Lightbox öffnen.

Legenda da maletgs: L'UE vul far pajar suenter Amazon 250 milliuns euros taglia. Keystone

Il concern d'internet american, Amazon duai pajar suenter 250 milliuns euros taglia al Luxenburg, quai pretenda la cumissiun da l'Uniun europeica. Il Luxemburg haja concedì levgiaments da taglia al concern. Quatras haja Amazon stuì pajar marcantamain damain taglias ch'autras interpresas, argumentescha la cumissiun da l'UE.

A medem temp han ils survegliaders da concurrenza da l'UE er fatg allusiun ad ina dispita da taglia tranter Apple e l'Irlanda. Il concern sto pajar enavos 13 milliardas euros a l'Irlanda.

Per bunamain trais quartas dal gudogn n'haja Amazon betg stuì pajar taglia a Luxemburg. Amazon refusa las renfatschas. Els èn da l'avis che Amazon n'haja betg survegnì in tractament spezial. Amazon haja pajà taglia cumplettamain tenor las leschas dal Luxemburg e las leschas internaziunalas.

RR novitads 15:00