Siglir tar il cuntegn

Header

I vegn considerà che CO-2 ha ina gronda influenza sin la midada dal clima.
Legenda: Dapi il temp avant l'industrialisaziun è la concentraziun da CO2 creschida per 150%. Keystone
cuntegn

Ambient La concentraziun da gas cun effect da serra crescha vinavant

La concentraziun da CO2 ed auters gas cun effect da serra en l’atmosfera è stada il 2018 uschè auta sco anc mai, annunzia l'organisaziun mundiala per meteorologia WMO. La concentraziun saja creschida entaifer in onn da 405,5 ppm (particla per milliun particla) sin 407,8 ppm. Dapi il temp avant l'industrialisaziun saja la concentraziun da CO2 creschida per 150%.

Midada dal clima

I vegn considerà che CO2 ha ina gronda influenza sin la midada dal clima. L’augment da la concentraziun da CO2 en l’atmosfera possian ins attribuir a carburants ord energia betg regenerabla. Il svilup munta, che la proxima generaziun sto quintar cun consequenzas seriusas sco per exempel temperaturas pli autas, fenomens extrems da l'aura ed augment dal livel da la mar.

Ord l'archiv:

CO2 è atgnamain in gas natiral, però ils ultims decennis ha il carstgaun er producì sez massa CO2 e quai ha l'effect ch'i vegn adina pli chaud sin il mund...

Video
Tge fa il Co2?
Or da Minisguard dals 13.10.2018.
laschar ir

RTR novitads 14:00