Siglir tar il cuntegn

Header

cuntegn

Ambient Tut ils stadis han aria pli tschuffa che la WHO cusseglia

Betg in singul pajais haja ademplì l’onn passà la limita internaziunala per la qualitad da l’aria, communitgescha l’Organisaziun mundiala da sanadad WHO. En tschertas regiuns saja la polluziun da l’aria puspè creschida suenter la pandemia. Quai mussan las datas da radund 6’475 citads.

I dettia dentant plirs pajais che fetschian gronds progress, sco per exempel la China. Cuntraria è la situaziun en l’India: Neu-Dehli resta la citad cun la pli gronda polluziun da l’aria sin quest mund. Il stadi cun l'aria la pli tschufragnada è il Bangladesch, curt suenter il Tschad.

La WHO cusseglia che la concentraziun da particlas pitschnas e privlusas na surpassia betg tschintg microgramms pro meter cubic. Questa limita han però mo 3,4% da las citads pudì ademplir il 2021. Percunter èsi vegnì mesirà en 1,4% da las citads il factur diesch da questa limita, pia 50 micrograms.

audio
Per tadlar: Las novitads da las 08:00
ord RTR Audio dals 22.03.2022.
laschar ir. Durada: 5 minutas.

RTR novitads 08:00

Artitgels legids il pli savens

Scrollar a sanestra Scrollar a dretga