Siglir tar il cuntegn

Header

Navigaziun

cuntegn

America dal Sid Panna d'electricitad

En l'America dal Sid èn milliuns persunas stadas senza electricitad. Sco l'interpresa d'energia Edesur ha communitgà saja l'entira Argentinia, Uruguai e Paraguai sco er il sid da la Brasilia stads pertutgads dal blackout.

A Buenos Aires, la chapitala d'Argentinia, è il traffic public stà airi. Er en auters pajais na circulavan nagins trens pli. I vegnia a cuzzar pliras uras fin che tuttas regiuns hajan puspè electricitad ed i vegnia intercurì daco precis ch'i haja dà l'incap. I ha num ch’i saja stà in sbagl en la rait electirca.

En la emisfera dal sid cumenza uss l'enviern ed en ils pajais pertutgads vegni stgaudà savens cun electricitad. L'infrastructura en l'Argentinia vala sco maroda. Quest atun elegia Argentinia in nov president.

RR novitads 15:00