Siglir tar il cuntegn

Header

cuntegn

America Latina Dumber da mortoris pervi da Covid-19 crescha

Ils pajais da l'America Latina, la Brasilia, il Mexico ed il Peru han danovamain annunzià bleras novas infecziuns ed er mortoris pervi dal coronavirus.

En Brasilia èn danovamain passa milli persunas mortas entaifer las ultimas 24 uras. Cun quai munta il dumber da morts en la Brasilia uss a passa 24'500 persunas. Il dumber da persunas infectadas è creschì en il pajais aifer in di per passa 16'000 e s'avischina uss als 400'000.

Ed er en il Peru èn vegnidas registradas las ultimas 24 uras passa 5'700 novas infecziuns. Quai è il pli aut dumber dapi che l'emprim cas è vegnì constatà il mars. En tut èn s'infectadas en il Peru stgars 130'000 persunas. Il dumber da mortoris munta a passa 3'700. Suenter la Brasilia è il Peru il segund ferm pertutgà pajais da l'America Latina.

Mexico ha registrà ses pli aut dumber da morts entaifer 24 uras d'enfin uss. Il dumber è creschì per 500 sin passa 8'000. En tut èn passa 74'000 persunas s'infectadas èn il pajas.

Ord l'archiv da SRF:

audio
Gesundheitskrise und politisches Chaos in Brasilien
ord Echo der Zeit dals 23.05.2020. Maletg: Keystone
laschar ir. Durada: 4 minutas 9 Secundas.

RTR novitads 06:00

Artitgels legids il pli savens