Siglir tar il cuntegn

Header

cuntegn

Exteriur America tschertga alliads per nova cunvegna d'atom cun Iran

Ils Stadis Unids vulan augmentar il squitsch sin l'Iran. Gia ils proxims dis vegnia il minister da l'exteriur Mike Pompeo a cumenzar cun discurs. Impurtants pajais signaliseschan dentant da vulair restar tar la cunvegna d'atom actuala cun Teheran scriva l'agentura da novitads Reuters.

Il minister da l'exteriur Mike Pompeo visitia alliads en l'Europa, en il Proxim Orient ed en l'Asia, scriva Reuters. La finamira saja da tschertgar communablamain ina pussaivladad da muventar l'Iran a discutar davart ina nova cunvegna d'atom. Quella cunvegna haja d'esser pli rigurusa che quella ch'il president dals Stadis Unids Donald Trump haja visà quest'emna.

Ils auters pajais che han gì signà la cunvegna d'atom cun l'Iran – quai èn la Russia, la China, la Gronda Britannia, la Frantscha e la Germania – han dentant gia annunzia da vulair restar tar la cunvegna d'atom actuala.

RR novitads 06:00

Artitgels legids il pli savens