Americans demonstreschan per ina paja minimala

Millis da persunas han demonstrà en ils Stadis Unids da l’America per in augment da las pajas minimalas. Quellas duain vegnir auzadas sin 15 dollars l’ura.

La regenza dals Stadis Unids vul ina paja minimala da pauc dapli che 7 dollars l’ura. Bild in Lightbox öffnen.

Legenda da maletgs: La regenza dals Stadis Unids vul ina paja minimala da pauc dapli che 7 dollars l’ura. Reuters

Sulet en la citad da New York èn tranter 10’000 e 15’000 persunas idas sin via. En tut haja quai dà manifestaziun en 230 citads americanas, rapportan medias.

La regenza dals Stadis Unids vul ina paja minimala da pauc dapli che 7 dollars l’ura. En blers stadis federativs da l’America valan atgnas reglas, uschia vala en il stadi da New York ina paja minimala da 8,75 dollars, en citads sco San Francisco ni Seattle valan gia uss 15 dollars l’ura sco paja minimala.

RR novitads 09:00