Siglir tar il cuntegn

Exteriur Amnestia per delinquents da taglia

En il Luxemburg duai quai per la prima giada dar in'amnestia per delinquents da taglia. Pajataglias en retard, che preschentan lur facultad betg suttamessa a la taglia aifer ils proxims 2 onns, duain restar senza chasti, ha annunzià il ministeri da finanzas.

Ina munaida d'in euro.
Legenda: Er Jean-Claude Juncker, l'anteriur minister da finanzas dal Luxemburg, vegn fatg responsabel per las praticas da taglia. Keystone

Per mitschar d'ina accusaziun ston las persunas pertutgads però pajar in supplement da chasti da fin 10% il 2016. Il 2017 munta quel lura a 20%.

Il pitschen pajais da l'UE è adina puspè vegnì crititgà pervi da dumping da taglia e fatschentas da la branscha da finanzas betg transparentas. L’onn passà aveva ina rait da retschertga internaziunala rapportà da passa 100 cas, en ils quals concerns multinaziunals avevan evità pajaments da taglia sin custs d’auters pajais da l’UE.

RR novitads 06:00