Amnesty International ha dubis ch'ils Stadis Unids, la Gronda Britannia e la Frantscha hajan fatg avunda per evitar unfrendas civilas. Uschia haja la coaliziun duvrà armas betg precisas en quartiers cun blera populaziun. Tenor observaturs èn passa 1'000 civilists morts ad Al-Rakka durant ils cumbats.
Ils 6 da zercladur avant in onn avevan la coaliziun, ch'ils Stadis Unids mainan, cumenzà d'attatgar la bastiun da la milissa terroristica Stadi Islamic. Tras quai sajan tschients persunas mortas e millis blessadas. Cun las attatgas or da l'aria e d'artigliaria sustegnia la coaliziun in'offensiva da las forzas democraticas curdas da la Siria.
In pledader da l'operaziun «Inherent Resolve» ha renvià tuttas renfatschas envers l'agentura da pressa tudestga DPA. La coaliziun fetschia grondas stentas per proteger civilists.
RR novitads 06:00