Tar l'attatga sin la citad Rakka ch'è els mauns da la gruppa da terror Stadi islamic n'haja l'armada siriana betg differenzià tranter miras civilas e militaras. En ils blers cas n'avevi nagins indrizs militars datiers da las miras d'attatga scriva Amnesty International.
Acceptar mort da civilists n’è betg opziun
Las forzas militaras da la Siria hajan cuntrafatg als dretgs umans. La simpla preschientscha da commembers dal SI na dettia betg il dretg a l’armada da bumbardar quartiers d’abitar. La gruppa da terror Stadi islamic ha conquistà la citad Rakka il zercladur passa e proclamà ella sco chapitala dal kalifat.
RR novitads 6:00