Onns a la lunga è Oz stà in candidat per il Premi Nobel da litteratura. Plinavant ha el gì gudagnà blers premis internaziunal, tranter auter er il premi da pasch da las Librarias tudestgas. En ses engaschament politic en ses cudeschs haja Oz communitgà in purtret viv da la societad israeliana cun ses umans in tranter l'auter ed er en il mund.
Oz è naschì a Jerusalem cun il num Amos Klausner, sco pli giuven dad immigrants da l'Ucraina. El è stà fundatur dal moviment da pasch Schalom Achschaw (pasch uss), e politicamain fitg activ. El è s'engaschà blers onns per la pasch en l'Orient Proxim ed è stà in criticher vehement da l'occupaziun da las parts palestinaisas. Ils ultims onns è Oz stà in criticher dal primminister Benjamin Netanjahu.
Tar ils pli enconuschents cudeschs dad Oz tutgan ils romans «Mein Michael», «Der perfekte Frieden», «Black Box», «Ein anderer Ort» sco era «Eine Frau erkennen».
RR novitads 17:00