Siglir tar il cuntegn
Inhalt

Exteriur Anc 57 persunas sparidas suenter malauras en il Giapun

Il Giapun dal vest è en stadi d'urgenza suenter che malauras an purtà extrem blera plievgia. Almain 83 persunas èn daventadas unfrendas da las malauras. E 57 persunas valan anc sco sparidas sco in emettur da televisiun rapporta.

Gidanters cun bartgas.
Legenda: Totalmain 54'000 gidanters, era schuldada e policist, tschertgan persunas serradas en, blessadas u mortas, di la regenza giapunaisa. Keystone

Cunzunt la regiun da la citad Hiroshima è pertutgada fermamain da las malauras. Sulet là hai dà 28 morts e 21 persunas valan anc sco sparidas. Sin l'insla Shikoku èn 19 persunas vegnidas unfrendas da las malauraus.

Detensiun da la situaziun betg en mira

Tschientmillis persunas han pervi da las malauras stuì bandunar lur dachasa. Auters han stuì ir sin il tetg e spetgar là sin salvament. Totalmain han ins ordinà a 3,6 milliuns persunas da bandunar lur dachasa, da quai sulet 1,8 milliuns a Hiroshima. Las autoritads han avertì dad ulteriurs sbuvaditschs e aua gronda.

RR novitads 11:00