Siglir tar il cuntegn

Exteriur Anc adina bleras infecziuns da HIV

En l'Europa han l'ultim onn 29'000 persunas survegnì la diagnosa da HIV positiv. In dumber levamain regressiv.

Test dad HIV
Legenda: En media ins dovra trais onns per la diagnosa. Keystone

Mintga segunda diagnosa vegn pir fatga en in stadi tardiv da l'infecziun. Bleras persunas na san perquai gnanca da lur infecziun. Qua tras han ils pazients considerablamain mendras schanzas: Sch'ina infecziun da HIV na vegn betg tractada, sa sviluppa ella tar la malsogna da defizienza d'immunitad SIDA. Ed era il risico d'ina contagiun s'augmenta, scriva il center europeic per la prevenziun e la controlla da malsogna (ECDC) e l'Organisaziun mundiala da la sanadad (OMS)

En media vegn la diagnosa fatga trais onns suenter l'infecziun – bler memia tard.
Autur: Andrea Ammondirectura da l'ECDC

L'Ucraina è pertutgada il pli fitg

En la regiun extendida da l'Europa, tar quella che la OMS quinta era pajais sco la Russia, Kasachstan ed Usbekistan, hai en il 2016 perfin dà 160'000 diagnosas da HIV. Cun quai è la regiun da l'Europa extendida la suletta regiun cun dumbers d'infecziun creschents. L'Ucraina è cun 33,7 diagnosas per 100'000 persunas, il pajais ch'è pertutgà il pli fer.

RR novitads 12:00