Siglir tar il cuntegn
Inhalt

Exteriur Anc naginas armas or dal squitschader

En ils Stadis Unids na vegnan almain per il mument betg publitgads plans per producir armas cun agid da squitschaders da 3D.

Pistola.
Legenda: In'arma or dal squitschader 3D. Keystone

Ina dretgira a Seattle ha franà la publicaziun planisada. Cun agid dals plans avess mintgin pudì producir sias atgnas armas senza controlla. En pli han plirs stadis federativs purtà plant cunter la regenza da president Trump.

Il zercladur era la regenza da Donald Trump sa cunvegnida cun l'organisaziun «Defense Distributed» ed aveva lubì la publicaziun dals plans. Intgins dis pli tard ha il ministeri da l'exteriur scumandà da far public ils plans. Quai cun l'avis sin las leschas che duain controllar ils exports.

Critichers avevan temì ch'ils plans fissan vegnids en ils fauss mauns e che la segirezza fiss uschia stada periclitada.

Trump sez era ier s'exprimì sceptic davart la publicaziun dals plans. Quai na paria betg da far grond senn, ha il president scrit sin Twitter. El haja discutà cun la lobi d'armas NRA davart quests plans e veglia uss examinar las opziuns.

RR novitads 07:00