Siglir tar il cuntegn

Header

Mauns dastrusch sin in vasché.
Legenda: Il di suenter ad Ancara - cordoli per las 37 victimas da l'attenta da dumengia saira. Keystone
cuntegn

Exteriur Ancara - suenter l'attentat attatga uss la Tirchia

L'avatica tirca vinditgescha l'attentat ad Ankara cun bumbardar la PKK. Tar l'explosiun la dumengia saira eran mortas almain 37 persunas e 125 eran vegnidas blessadas. Tenor circuls da segirtad haja in attentader da suicidi ènvida la bumba en in auto.

Suenter las attatgas sanguinusas ha l'aviatica tirca attatgà posts da la partida curda scumandada PKK en l'Irac dal nord. Ins haja bumbardà zups e deposits d'armas.

Bombu Ancara Leute
Legenda: In attentat da suicidi en la chapitala tirca Ancara Ad Ancara ha in attentader envidà ina bumba en in auto Keystone

Fin uss n'ha anc nagin surpiglià la responsabladad.

Il schef da la regenza tirca, Ahmed Davutolu manegia dentant ch'ina gruppaziun terroristica sa zuppia davos l'attentat.

Sustegn da l'UE e la Nato ecunter il terrorissem en Tirchia

L'UE saja pronta d'engrondir la cooperaziun internaziunala, uschia la responsabla per ils affars da l'exteriur, Federica Mogherini, ed il cumissari Johannes Hahn.

Il secretari general da la Nato, Jens Stoltenberg, ha ditg che tut ils alliads sustegnian a moda solidarica la Tirchia per cumbatter il terrorissem.

Gia mez favrer avevì dà in'explosiun ad Ancara en il medem lieu cun 29 morts. Quella era medemamain ida sin il conto da la partida da la lavur PKK.

RR novitads 21.00+

sda/fh/ggf/ij

Artitgels legì il pli savens

Nach links scrollen Nach rechts scrollen