Siglir tar il cuntegn

Header

cuntegn

Exteriur Anteriur cussegliader da Trump sto ir en praschun

George Papadopoulos è vegnì condemnà a 14 dis praschun pervi da deposiziun fallada en connex cun intervenziuns da la Russia en il cumbat electoral.

L'anteriur gidanter durant il cumbat electoral, George Papadopoulos, sto per 14 dis en praschun. Vitiers sto el pajair 9'500 dollars e far 200 uras lavur caritativa. Papadopoulos è vegnì condemnà d'ina dretgira a Washington perquai ch'el ha ditg manzignas a policists dal FBI, cura che lezs han examinà la rolla da la Russia durant il cumbat electoral american.

Auter che pretendì l'emprim, aveva el s'inscuntrà cun in professur, ch'aveva contacts cun la Russia. Da quel aveva Papadopoulos retschavì material per ina campagna cunter Hillary Clinton – la cuntercandidata da Trump en il cumbat electoral.

Il president american Donald Trump ha beneventà ch'in anteriur cussegliader sto ir en praschun. Sin twitter ha Trump scrit, ch'i saja in grondius di per l'America.

RR novitads 08:00

Artitgels legids il pli savens