Fin uss n’èsi betg enconuschent, tgi che ha assassinà Nshimirimana. Tenor il pledader dal president da stadi hajan plirs umens en unifurmas militaras attatgà il general.
In pajais en crisa politica
Il general valeva sco il numer 2 en il pajais da l'Africa da l'ost. Il matg aveva el impedì in putsch da parts da l'armada cunter il schef da stadi Pierre Nkurunziza.
Il Burundi è dapi mais en ina crisa politica. L'emna passada aveva Nkurunziza gudagnà la dispitaivla elecziun dal president.
RR novitads 16:00