Siglir tar il cuntegn

Header

Navigaziun

Lieu commemorativ da Jan Kuciak e sia dunna
Legenda: Keystone
cuntegn

Exteriur Anteriur schuldà ha confessà il mazzament dal schurnalist Kuciak

En la Slovachia ha in accusà dà tiers d'avair mazzà il schurnalist Jan Kuciak e sia spusa. Sco quai che l'emettur da radio public RTVS e pliras medias online rapportan, sa tractia d'in anteriur schuldà. El è gia vegnì arrestà il settember ensemen cun trais ulteriuras persunas suspectadas.

Il schurnalist critic a la regenza e sia spusa èn vegnids sajettads giu il favrer da l'onn passà en l'ost da Bratislava. Il schurnalist aveva retschertgà davart afferas da politichers slovacs cun la mafia taliana. Il mazzament ha distatgà in'unda da protesta cunter la corrupziun en il pajais. Tenor observaders haja quella er manà a la midada da pussanza en la Slovachia.

RR novitads 07:00