Bye bye in'emna suenter la saramentaziun
Strusch engaschà e gia banduna el ses post: il schef da communicaziun a Washington Anthony Scaramucci. La Chasa Alva ha confermà rapports da medias americanas ch'avevan communitgà che Scaramucci bandunia ses post sco schef da medias dal president american Donald Trump. Uschia duai vegnir lubì al nov schef da stab John Kelly in start senza impediments, hai num en ina communicaziun. Kelly duai avair la pussaivladad da furmar ses agen team.
Critica gia tar la nominaziun
Anthony Scaramucci era vegnì saramentà sco schef da communicaziun pir avant in'emna a Washington. L’anteriur pledader da pressa da la Chasa Alva Sean Spicer aveva ditg a Trump che l’elecziun da Scaramucci saja in «grond sbagl».