Ils 15 commenbers dal cussegl da segirtad da l'ONU han nominà uffizialmain a New York l'anteriur primminister portugais Antonio Guterres, sco proxim secretari general da l'ONU. Quai è vegnì annunzià dal president dal cussegl - il russ Witali Tschurkin.
Il plenari da las Naziuns Unidas sto anc confermar l'emna proxima formalmain la decisiun. Guterres duai daventar successur da Ban Ki Moon. Ses temp d'uffizi va suenter duas periodas a fin ils 31 da december. El è stà 10 onns secretari general da l'ONU.
RR novitads 18:00