Suenter quatter decennis guerra e conflicts e catastrofas da la natira vegn la proxima crisa: la surpigliada da la pussanza tras ils Taliban. Sper la pandemia da covid patescha la populaziun dad ina setgira: 11 milliuns persunas – in terz da la populaziun – è pertutgada da mancanza da vivonda e dus milliuns uffants èn en privel dad esser sutnutrids.
En situaziuns da crisas e conflicts èn dunnas ed uffants spezialmain exposts a tuttas furmas da violenza. La crisa actuala rinforza las difficultads, la situaziun è enorm alarmanta. Quai vala cunzunt per l’access al provediment da medischina da mammas, per l’access a scolaziun ed occupaziun. Igl è enorm impurtant ch’ils servetschs da sanadad – ch’èn per gronda part dependents d’agid internaziunal – funcziuneschan vinavant.
Ils partenaris da la Chadaina da Fortuna pon schlargiar lur programs umanitars en l'Afganistan. Nus mettain a disposiziun in milliuns francs ord il fondo da l’agid d’urgenza e quintain cun la solidaritad da la populaziun Svizra.
Grazia a ses partenaris activs en l’Afganistan vegn la Chadaina da Fortuna a pudair sustegnair l’agid necessari. Tut tenor il moviment da fugitivs pon er mesiras en ils pajais vischinants da l’Afganistan vegnir sustegnids.
Donaziuns èn bainvegnidas sin il conto da posta da la Chadaina da da Fortuna 10-15’000-6 cun il chavazzin «Afganistan» u directamain via pagina d’internet www.glückskette.ch.