Siglir tar il cuntegn

Header

cuntegn

Exteriur Appel da schanegiar ils civilists a Mossul

En il cumbat cunter la milissa islamistica Stadi Islamic a Mossul en l’Irac, duajan ils adversaris schanegiar ils civilists. I saja cunzunt impurtant da proteger ils ospitals e lur persunal, quai pretenda il Comité internaziunal da la Crusch Cotschna a Genevra.

Il IKRK saja pront da sustegnair las emnas proximas ils fugitivs, quai pudessi esser fin a in milliun. Quai scriva il Comité internaziunal da la Crusch Cotschna. Tut las partidas da conflict duain far tut il pussaivel per pudair garantir che lur miras sajan en mintga cas mo miras militaras. Tut ils abitants che veglian fugir ord Mossul, duain avair a disposiziun in corridor segir.

Las milissas da terror Stadi Islamic sut squitsch

Dapi curt fan l’armada iracaisa, ensemen cun cumbattants curds e milissas localas, ina gronda offensiva sin la citad Mossul en l’Irac dal Nord. Els hajan franà pliras cunterattatgas da las milissas da terror Stadi Islamic, ha in pledader da l’armada iracaisa communitgà.

RR novitads 12:00

Artitgels legids il pli savens