Siglir tar il cuntegn

Header

Il Brandenburger Tor a Berlin en las colurs da la bandiera Beltga
Legenda: Il Brandenburger Tor a Berlin en las colurs da la bandiera Beltga Keystone
cuntegn

Exteriur Appell ad attatgas en Germania

La milissa terroristica Stadi islamic ha appellà da commetter acts terroristics en Germania tenor l'exempel da Brüssel.

Sin Twitter vegn tranter auter mussà in video da l'eroport da Cologna-Bonn e scrit latiers: «Quai che tes frars en la Belgia han dumagnà, dumognas ti era».
In auter maletg mussa l'uffizi da chancelier en flommas; latiers l'inscripziun: «La Germania è in champ da battaglia.» Tut en tut sajan vegnids publitgads tschintg maletgs da propaganda.
Dals attentats da suicidi en la Belgia eran mortas 38 persunas, inclusiv ils 3 attentaders.

Examinaziuns seriusas

L'uffizi federal criminal da la Germania examinescha las smanatschas da terror dal SI. I saja cler che la Germania stettia en il focus dal terrorissem internaziunal e che attatgas possian capitar. Il nov video na midia dentant nagut vid la valitaziun actuala dal privel da terror en Germania.

RR novitads 12:00

Artitgels legids il pli savens

Scrollar a sanestra Scrollar a dretga