Ina da las raschuns per il gudogn da record èn era las fatschentas da Nadal. Là ha Apple vendì 75 milliuns iphones. Quai è bain 0,4% dapli che l'onn avant, però era il pli pitschen plus dapi che l'iphone è vegnì sin il martgà. Uschia quinta Apple ch'il clima sa midia.
Per il quartal current quinta Apple per l'emprima giada dapi 10 onns cun ina reducziun da la svieuta, ha ditg il schef dal concern Tim Cook. In motiv saja la conjunctura flaivla en diversas regiuns dal mund.
RR novitads 06:00