La pausa da cumbat è ida a fin dumengia saira e quai malgrà ch'il represchentant da l'ONU per il Jemen aveva pretendì da prolungar quella per pudair prestar agid umanitar. La situaziun umanitara en il Jemen saja catastrofala uschia l’ONU. L’intent da la pausa da cumbat è stà da furnir material d’agid a la populaziun civila.
Il represchentant da l’ONU per il territori cumbattì dal Jemen Ismail Ould Cheikh Ahmed vul viagiar a Teheran per s’inscuntrar cun la regenza iranaisa per ulteriuras tractativas.
RR novitads 8:00