Tranter auter è il minister da la guardia naziunala, prinzi Moteib bin Abdullah, minister da l'economia Adel al-Fakieh ed il cumandant da la marina, Abdullah al-Sultan, vegnids relaschads da lur uffizis. En ina decleraziun uffiziala hai num che las persunas hajan mess ils agens interess sur quels da la publicitad per pudair augmentar illegalmain daners.
Il medem mument è vegni creà in comité cunter la corrupziun sut il timun dal prinzi ereditar Mohammed bin Salman.
Nova demananza
Il chanal d novitads arab Al-Arabija rapporta vinavant, che indesch prinzis, quatter ministers en uffizi sco era plirs tozzels anteriurs ministers vegnids arrestads. Quai è succedì sin ordinaziun dal comité cunter la corrupziun.
Tranter ils arrestads duain era esser il milliardari prinzi Al-Walid bin Talal. El maina in imperi d'affar sin l'entir mund. Gia il settember han las autoritads arrestà plirs tozzels persunas, tranter els era spirituals da grond'influenza. Il nov prinzi ereditar Mohammed bin Salman ha la fin d'october a chaschun d'in Forum economic propagà ina modernisaziun da l'apparat statal.
RR novitads 07:00