Legenda:
Fin uss na dastgas dunnas betg charrar persulas.
Keystone
cuntegn
Exteriur - Arabia Saudita: Dunnas al guvernagl
A partir dal 2018 dastgan er las dunnas ir cun auto en il pajais muslim. Il retg saudit Salman ha ordinà che dunnas dastgar far il permiss dad ir cun auto a partir dal zercladur 2018. Quai rapporta l'agentura da novitads statala.
L'Arabia Saudita è il sulet pajais dal mund en il qual dunnas na dastgan betg ir cun auto persulas. Dapi onns s'engaschan activists per ils dretgs umans che quest scumond vegnia abolì. Adina puspè èn dunnas vegnidas arrestadas, perquai ch'ellas èn charradas persulas.
Dunnas supprimidas
Ils dretgs da las dunnas èn restrenschids en l'Arabia Saudita. L'ultim temp èn las reglas però vegnidas schluccadas in zic. Pir l'emna passada han dunnas per l'emprima giada insumma dastgà entrar en in stadion da sport.
Ma er en l'Europa hai dà ils onns 1970 reclamas che paran ozendi curiusas en connex cun dunnas che van cun auto.
Möchten Sie diesen ergänzenden Inhalt laden?
Hinter diesem Platzhalter verbirgt sich ein externer Inhalt (z.B. ein Social Media Post oder ein Video), den unsere Redaktion empfiehlt.Mehr
Dieser Platzhalter erscheint, weil Sie die Verwendung von «Social Media und externen Drittsystemen» in Ihren Datenschutz-Einstellungen deaktiviert haben. Klicken Sie auf «Inhalt laden», um diesen Inhalt einmalig anzuzeigen. Dabei können Cookies gesetzt und Daten an externe Anbieter übertragen werden. Passen Sie Ihre Datenschutz-Einstellungen an, um solche Inhalte dauerhaft anzeigen zu können.
